Ես տատիկիս համոզելու եմ, որ ինքն էլ գա…

Տատիկներին ու պապիկներին ուղղված «Զանգակ» գրատան հետաքրքիր նախաձեռնությունը՝ մասնակցելու «Հեքիաթ թոռնիկիս» ծրագրին, ինձ ուրախացրեց: Մտածեցի՝ որքա՜ն սովորողներ իրենց տատիկ-պապիկներով կցանկանան մասնակցել: Հիասթափությունս մեծ եղավ, երբ լսում էի՝ ժամանակ չունենք, ավելի կարևոր գործեր կան, վատառողջ եմ…

Մի՞թե երեխայից թանկ և ավելի կարևոր գործեր կան…

Նոր դպրոցի սեբաստացի տատիկները որոշեցին այդ նախաձեռնությանը մասնակցել:

«Զանգակ» հրատարաչության գրատունը նախապատրաստվել էր ընդունելությանը: Մեծ գրատան սրահում տեղադրված ամանորյա ծառը ողջունեց մեզ: Բոլորիս աչքերը ողողվեցին ջերմ ժպիտով. կարծես հարազատ օջախ էինք մտել: Մեզ ուղեկցեցին փոքրիկ հեքիաթային սենյակ, գույնզգույն, մեծ ու փոքր գրքերով ու ողողված պայծառ լույսերով: Ահա այդտեղ մենք պետք է լսեինք հեքիաթասացներին: Ով ինչպես և ի՞նչ էր պատմելու: Այս հարցում էլ սեբաստացի դասավանդողը այլընտրանքային մոտեցում դրսևորեց:

Վերջում քվեարկություն կատարեց փոքրիկ հանդիսատեսը: Առաջին փուլի հաղթող ճանաչվեց հեքիաթասաց տ. Նոննան՝ իր թոռնուհու հետ, ովքեր հաջորդ անգամ պետք է պատմեին Չիպոլինոյի արկածները: Ովքեր ուզում են այն լսել տիկին Նոննայի շուրթերից , համեցեք: Ես թոռնիկիս հետ ներկա եմ գտնվելու:

Գրատան ներկայացուցիչների հետ շրջեցինք ու ծանոթացանք հրատարակչության նորաստեղծ գրքերին:Մենք մեր թոռնիկների նախընտրած գրքերը գնեցինք, իսկ 4-6-րդ դասարանցիներն էլ՝ ընտրեցին իրենցը: Ամբողջ ճանապարհին երեխաների շուրթերից լսվում էին միայն.

-Ի՜նչ կլինի, վաղն էլ միասին գանք:

— Կարելի է՞, մենք էլ պատմենք:

-Ես տատիկիս համոզելու եմ, որ ինքն էլ գա…

Նոր դպրոցի ընթերցավար
Երանուհի Սանթրոսյան

1465392_655392851177546_1363956538_n 100_0232 100_0242

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s

This site uses Akismet to reduce spam. Learn how your comment data is processed.