Ի՞ նչ է հրաշքը…

-Ի՞նչ է հրաշքը: Հնչեց առաջին հարցը:

-Հրաշքը՝ես եմ,հնչեց միանգամից պատասխանը: 

-Հրաշքը՝ մենք ենք.մեր սրիելիներն են:

-Հրաշքը՝ բնությունն է :

-Այն, որ առողջ ենք ծնվել՝դա արդեն ՝հրաշք է :

-Հրաշք է ,երբ որ բարիք ես գործում,այդ ուժը բարձրանում է երկինք,հետո հրաշքի տեսքով վերադառնում է քեզ:

-Հրաշք չկա,հնչեց մի նոր տեսանկյուն,-բոլոր երևույթները ունեն գիտական բացատրություն և այն մարդիկ, ովքեր չեն կարողանում դրանց բացատրություն տալ,անունը դնում են՝հրաշք:

-Բայց արդյունքում ,բոլոր գիտնականներն էլ վերջում գալիս են այն համոզման,որ կան բաներ,որ չեն  կարողանում բացատրել և հենց դա էլ խոսում է հրաշքի գոյության մասին:

-Եթե, երևույթները բացատրենք գիտականորեն,այն կդադարի հրաշք լինելուց,իսկ եթե վերլուծենք զգայական, էմոցիոնալ առումով,այն կդառնա ՝հրաշք:

-Դուրս է գալիս ,որ մարդիկ բաժանվում են 2 խմբի,մարդիկ,որոնց կյանքը լցված է հրաշքով և մարդիկ, որոնց կյանքը լցված չէ հրաշքով:

-Լավ,21-րդ դար,հրաշք է գործում ՍԵՐԸ՞ , թե՞ հրաշք է գործում տեխնոլոգիան:

-Հրաշք է գործում տեխնոլոգիան,այն հեշտացնում և հետաքրքիր է դարձնում մեր կյանքը…

-Տեխնոլոգիան խլում է ինձանից իմ ժամանակը,սահմանափակում՝ կենդանի շփման հնարավորությունը…

-Է,դու էլ մի օգտվիր ոչ հեռախոսից,ոչ էլ համակարգչից:

-Չեմ կարող,դա այս դարի պահանջն է,բացի այդ էլ ես արդեն ընտելացել եմ դրան…

-Տեխնոլոգիայի այսքան արագ թափով զարգացումը վտանգի տակ է դնում մարդ տեսակի գոյությունը…

-Այդ տեխնոլոգիան ստեղծում է մարդը և դա նա անում է իր գործը ՍԻՐԵԼՈՒ արդյունքում,դուրս է գալիս, որ հրաշքներ գործում է՝ ՍԵՐԸ…

-Եվ կյանքը դրանով էլ հետաքրքիր է ,որ լցված է սիրով,իսկ սերը՝ իսկական հրաշք է գործում…

 Հիմնականում այսպես մեկնաբանեցին հրաշքը՝11-րդ դասարանի սովորողները…

Աղբյուր՝ Գայանե Վարդանյանի բլոգ:

Advertisements
Հրատարակված՝ Մասնագիտական գրականություն, Նախագծեր-ում | Թողնել մեկնաբանություն

Հեղինակային իրավունքը գրադարանում դասախոսություն-քննարկում

 

DSCN1631DSCN1626DSCN1621DSCN1624

 

Ամերիկյան համալսարանում՝ տեղի ունեցավ դասախոսություն-քննարկում հեղինակային իրավունքի վերաբերյալ: Ներկա էինք «Մխիթար Սեբաստացի» կրթահամալիրի քոլեջի գրադարանային գործ բաժնի ուսանողներս նաև տարբեր բուհերում գործող գրադարանավարներ: Դասախոսությունը կարդաց միջազգային փորձագետ, գրադարանային գործառույթներին և հայկական օրենքին քաջատեղյակ պրոֆեսոր՝ Քենեթ Քրուսը, նրան ուղեկցում էին EIFL-IP ծրագրի ղեկավար Թերեզա Հաքեթը և ՄՍԳ հեղինակային իրավունքի բաժնի վարիչ Քրիստինե Համբարյանը:

Քենեթ Քրուսը ավելի քան 25 տարի ուսումնասիրել է 188 երկրների հեղինակային իրավունքի վերաբերյալ հարցը և դեռ շարունակում է ուսումնասիրել: Դասախոսության նպատական էր ներկա գտնվող գրադարանավարներին օգնել որպեսզի կարողանան ճիշտ օգտվել հեղնակային իրավունքի մասին եղած օրենքներից պաշտպանելով և հեղինակին և  օգտվողի իրավունքները, պահպանելով բարեխիղճ օգտվելու դրույթները: Հանդիպման վերջում տեղի ունեցավ հետաքրքիր քննարկում, հնչեցին տվյալ թեմայի շուրջ մտահոգող շատ հարցեր: Պարոն Քրուսը պատասխանեց ներկայացնելով գրադարաններին և կրթական ոլորտներին առնչվող բացառությունները որոնք ընդգրկվել են նոր օրենքում, բերվեց նաև տարբեր երկրների օրինակներ կապված հեղինակային իրավունքի հետ: Քննարկումը տևեց նախատեսված ժամից ավելի երկար ինչը նշանակում էր, որ թեման առ այսօր մնում է խնդրահարույց և անկատար: Չնայած խնդրի հարաբերական լինելուն յուրաքանչյուրը ցանկանում էր սպառիչ պատասխան ստանալ:
Աղբյուրը՝ Գայանե Վարդանյանի բլոգ

Կարդա նաև՝ Լիլիթ Հարությունյանի բլոգ

 

Հրատարակված՝ Հոդվածներ, Մասնագիտական գրականություն (գրադարանային գործ), Գրադարանային ծրագրեր, Uncategorized-ում | Թողնել մեկնաբանություն

«Ուումնական աշուն». գրադարանի նախագիծ

1.«Թղթե քաղաքները» գրքի մուտքը գրադարան. համագորոծակցային նախագիծ միջին և ավագ դպրոցների հետ
2.«Ուումնական աշուն» նախագծի շրջանակում գրադարանի համագործակցությունը Հարավային դպրոցի հետ
3.«Ուումնական աշուն» նախագծի շրջանակում գրադարանի համագործակցությունը Արևմտյան դպրոցի հետ
4.«Ուումնական աշուն» նախագծի շրջանակում գրադարանի համագործակցությունը Արևելյան դպրոցի հետ
5.«Ուումնական աշուն» նախագծի շրջանակում գրադարանի համագործակցությունը Հյուսիսային դպրոցի հետ
6.«Ուումնական աշուն» նախագծի շրջանակում գրադարանի համագործակցությունը դասավանդող Հասմիկ Թոփչյանի հետ ՝ «Բարձրաձայն ընթերցանություն»
7.«Ընթերցողի հրճվանք» նախագիծը դպրոցներում

Հրատարակված՝ Նախագծեր, Գրադարանային ծրագրեր, Uncategorized-ում | Թողնել մեկնաբանություն

«Թղթե քաղաքները» գրքի մուտքը գրադարան. նախագիծ

Paper Towns-269x406

 

Նախագծի մասնակիցները՝ տարատարիք սովորողներ
Նախագծի իրականացման ժամանակահատվածը՝  հոկտեմբեր 30 — նոյեմբեր 10
Նախագծի նպատակը՝  «Թղթե քաղաքները» ստեղծագործության ընթերցում

Նախագծի շրջանակներում կկայանա՝ 

. Ջոն Գրինի  «Թղթե քաղաքները» ստեղծագործության նոր հրատարակության շնորհանդես
.  Հանդիպում  թարգմանիչ Ալինա Միրզոյանի,
«Էդիթ Պրինտ» հրատարակչության մարքեթինգի տնօրեն Շավարշ Կարապետյանի հետ

Հանդիպման վայրը՝  «Տիգրան Հայրապետյան» գրադարան
Համակարգողներ՝ «Տիգրան Հայրապետյան» գրադարան
Նախագծին համագործակցում են դասավանդողները

Լրացուցիչ նյութեր

.Yerkir Media / ԵՐԿԻՐ ՄԵԴԻԱ-ի եթերում պատմում են Ջոն Գրին «Թղթե քաղաքները» գրքի հայերեն թարգմանության մասին
Էդիթ Պրինտ Հրատարակչություն/Edit Print Publishing House
Նոր գիրք «Թղթե քաղաքներ»-ում ապրող թղթե մարդկանց մասին
գրքից հատվածներ

 Նախագծի ծրագրին ծանոթացիր Հռիփսիմե Գալստյանի բլոգում

Հրատարակված՝ Մասնագիտական գրականություն (գրադարանային գործ), Նախագծեր, Գրադարանային ծրագրեր, Uncategorized-ում | Թողնել մեկնաբանություն

Աշխատանք PDF ֆայլի էջերի հետ

Դաս I

Դաս II

Հրատարակված՝ Մասնագիտական գրականություն, Մասնագիտական գրականություն (գրադարանային գործ), Թեմատիկ պլան-ում | Թողնել մեկնաբանություն

2017-2018 ուտարվա աշխատանքային պլան (սեպտեմբեր-դեկտեմբեր)

ashx.png111

Պատկեր | Posted on by | Թողնել մեկնաբանություն

Տիեզերքը պտտվում է «ընթերցողի առանցքի» շուրջ

Ընթերցողը մինչ իր մահը ապրում է հազարավոր կյանքեր, իսկ նա, ով չի կարդում ապրում է ընդամեն մեկ կյանք։
(Ջորջ Մարտին):

Տեղեկատվական հոսքերի ժամանակակից աշխարհում մարդիկ ապրում և շնչում են «նոր դարի թթվածին» համարվող տեղեկատվությամբ («ինֆորմացիայով»)։ Տեղեկատվական տեխնոլոգիաների ընձեռած մեծ հնարավորությունները կարծես ժամանակ չեն թողնում ընթերցելու ասենք՝ թերթեր, ամսագրեր, գրքեր տպագիր տարբերակով․ ամեն ինչ պատրաստի մատուցված  է առցանց հարթակում, որը ժամանակ և միջոցներ խնայելու հարմար տարբերակ է։ Բայց, եկեք չմոռանանք, որքան էլ կատարելագործվի ընթերցելու հարմար միջոցներն ու տարբերակները, տպագիր տեղեկատվամիջոցները անփոխարինելի դեր ունեն մեր կյանքում։ Չի լինում այնպես, որ վիրթուալ գրադարաններն ու գրքերը ապահովեն այն ջերմ, շնչառություն բացող գրքաբույր միջավայրը, ինչպես գրադարանում է լինում, որտեղ գրքերի աշխարհում հայտնվելով մի տեսակ կտրվում ես առօրյա կյանքից՝ հայտնվելով կախարդական ինքնամոռացության մեջ։ Հետո էլ դժվար է լինում բաժանվել մոգական աշխարհներից, հերոսներից ու գալ իրական աշխարհ։

Կարդալու իրական գրադարանային մշակույթը, կարծում եմ, միշտ կլինի ակտուալ և գեղեցիկ։ Տարբեր առիթներով նշել եմ, որ կան բաներ, որոնք չափեր, սահմաններ չեն հանդուրժում և միշտ բավարար չեն լինում, օրինակ՝ տիեզերքը, ժամանակը, մարդկային միտքը, սերը․․․սերն առ գրքերը։ Բոլոր կարևոր ու նշանակալից իրադարձություններն ու երևույթները մեր կյանքում կատարվում են շնորհիվ կարդացող մարդկանց․ չափազանցություն գուցե լինի, եթե ասեմ՝ տիեզերքը պտտվում է  բանիմաց «մարդկանց առանցքի» շուրջ։

Գրագիտության, գրաճանաչության մակարդակի բարձրացման համար հավերժ պարտական ենք 15-րդ դարի կեսին արված մարդկային պատմության թերևս ամենակարևոր գյուտերից մեկին՝ տպագրության գյուտին, որը հեղափոխություն մտցրեց ընթերցանության ոլորտում, արդյունքում ընթերցանության նյութերը հասանելի դարձան ավելի լայն զանգվածներին։ Գրքի ինքնարժեքը նվազեց՝ մարդկանց  ավելի շատ կարդալու խթան ստեղծելով։ Արդյունքում ընթեցանության հեղափոխությունը դրական արդյունքներ ունեցավ ողջ Եվրոպայի համար։ Հոգեբանները պնդում են, որ մարդկության պատմության ընթացքում բռնությունների նվազումը կապված է եղել նաև ընթերցանության տարածման հետ․ դա մարդկանց հնարավորություն է տալիս ավելի լավ ճանաչելու աշխարհը, իմանալու այլ մարդկանց մասին, որոնց չեն հանդիպել, վերապրել այն ամենը, ինչ նրանք են զգացել։ Ընթերցանությունը ընդարձակում է մարդկանց մտահորիզոնը, որը մարդասիրություն է ավելացնում նրանց զգացմունքներում։ Ուսումնական տարբեր նախագծեր մշակելիս ինքս՝ որպես ուսուցիչ, կարևորում եմ գրադարանային ընթերցանության առկայությունը նախագծում։ Իսկ ՏՀՏ-ների լայնամասշտաբ կիրառումը մեր օրերում օգնում է ավելի հեշտ գտնել դասի համար անհրաժեշտ նյութերն ու գրքերը, ձեռնարկները, որոնք անընդհատ համալրվում ու նորացվում են կրթահամալիրի հարուստ պահոց ունեցող «Տիգրան Հայրապետյան» մեդիագրադարանի  կողմից՝ այդ կերպ նպաստելով ուսումնական գործընթացի արդյունավետությանը, երեխայի տեղեկատվական մշակույթի ձևավորմանը։ Նշեմ, որ սովորողները սիրով են այցելում գրադարան, օգտվում նրա տեղեկատվական բազմաբնույթ աղբյուրներից, ռեսուրսներից։  «Տիգրան Հայրապետյան»  գրադարանը կրթամշակութային մի միջավայր է, որտեղ, ընթերցանության նախագծերից բացի, կազմակերպվում են նաև տարաբնույթ կրթամշակութային միջոցառումներ, հանդիպումներ, կլոր սեղան-ասուլիսներ, վերապատրաստումներ, բաց դասեր, գրքերի թվայնացում-թողարկում և այլն։ Ուստի, կարելի է ասել, որ ժամանակակից հասարակության մեջ սոցիալական ինստիտուտ լինելուց  բացի, գրադարանը բնութագրվում է նաև որպես տեղեկատվական-հաղորդակցական, տեխնոլոգիական, մանկավարժական համակագ՝ կարևոր դեր խաղալով կրթության և հասարակության կյանքի զարգացման մեջ։ Դեռ հնագույն ժամանակներից  սկսած գիտելիքը համարվել է բարձրագույն արժեք, իսկ գրադարանը իր անսպառ գանձարանով համեմատվել է Խորխե Լուիս Բորխես տիեզերքի հետ, որտեղ գիտելիք որոնելիս ընթերցողների արկածները համեմատվել է կյանքի իմաստի որոնման հետ։

Պակաս կարևոր չէ գրքերի մոգական աշխարհում մեր լավագույն ուղեկցողների՝ կրթահամալիրի գրադարանավարների դերն ու մասնագիտական գործունեությունը։ Նրանք ապահովում են օգտվողների համար տեղեկատվական մատչելի, արդյունավետ ծառայություն, նպաստում ջերմ ու անմիջական մթնոլորտի ապահովմանը, հոգ տանում գրադարանային գործի բարձր հասարակական կարգավիճակի և հեղինակության մասին։ Նրանց հոգատար վերաբերմունքի շնորհիվ է, որ շարունակ հավաքագրվում, պահպանվում, փաստաթղթավորվում, մշակվում, նորացվում-համալրվում է գրադարանի շտեմարանը, ընթերցողներիս համար հասանելի դառնում համաշխարհային ճանաչում ունեցող տարբեր ժանրերի գրքեր ու նյութեր։ Ուստի, պետք է  օգտվել այս մեծ հնարավորությունից, որից ոչ միայն կշահեք մենք, այլև հանրությունը։ Պինկերի կարծիքով գրագիտության ուժը այն է, որ հանում է ընթերցողին նեղ վիճակից՝ հնարավորություն տալով իրերին նայել ավելի լայն մտահորիզոնով․ գրադարանային նոր մշակույթն ու տեղեկատվական միջավայրը դեռ կփոխի հանրության վերաբերմունքը բազմաթիվ հարցերի շուրջ։

Շնորհակալություն «Տիգրան Հայրապետյան» գրադարանին ջերմ ու պատրաստակամ վերաբերմունքի համար։

Ձեր հավատարիմ ու վաստակավոր ընթերցող՝  Լիլիթ Մադոյան։

Հրատարակված՝ ընթեցողի արձագանք-ում | Թողնել մեկնաբանություն