«Մխիթար Սեբաստացի» կրթահամալիրի «Տիգրան Հայրապետյան» գրադարանը մայիսի 7-ից 10-ը անցկացրեց գրադարանավարի հերթական վերապատրաստումը։ Այս անգամ էլ անհատական վերապատրաստման մասնակցության հայտ էր ներկայացրել Ապարան քաղաքի Ռաֆիկ Եղիազարյանի անվան թիվ 1 դպրոցի գրադարանավար Արգինե Քոչարյանը, ով ուներ գրադարանում աշխատելու ութ տարվա փորձ։
Այս մասին պատմում է Արգինեն։
Ես Արգինե Գևորգի Քոչարյանն եմ, աշխատում եմ Ապարանի թիվ 1
հիմնական դպրոցում, որպես գրադարանավար։
«Մխիթար Սեբաստացի» կրթահամալիրը հայտնի է իր որակյալ կրթությամբ և
անհատական մոտեցմամբ։ Իր վարած գործունությանը հետևում եմ դեռ վաղուց։
Նպատակներիցս մեկն էր այստեղ անցնել վերապատրաստում։ 2024 թվականի մայիսի 7-ից 10-ը մասնակցեցի գրադարանավարի եռօրյա վերապատրաստմանը։
Տպավորություններս դասընթացից դրական և ոգևորիչ էին։
Դասընթացավարներ Լուսինե Ալեքսանյանը և Նոննա Գրիգորյանը մանրակրկիտ և
մատչելի անցկացրեցին վերապատրաստումը։ Ծրագրի շրջանակներում ծանոթացա
էլոկտրոնային մատենավարության հմտություններին, արդի գրադարանավարի
պարտականություններին, գրադարանավարի նախագծային և օրացույցով աշխատանքներին։ Ունեցանք արդյունավետ քննարկում և փորձի փոխանակում։
Վերապատրաստման ընթացքում կրթահամալիրի «Գրադարանային գործ» բաժնի ուսանողների հետ ես էլ այցելեցի «Զանգակ» հրատարակչություն։ Ուսումնական ճամփորդությունը ղեկավարում էր վերապատրաստող մասնագետ Լուսինե Ալեքսանյանը։ Հետաքրքիր էր տպագրական աշխատանքը։ Եղանք նաև հրատարակչության գրասենյակում, ծանոթացանք գրքաստեղծ աշխատանքնրին։
Միանշանակ հետագայում կրկին կցանկանամ մասնակցել «Տիգրան Հայրապետյան» գրադարանի նոր վերապատրաստումների։